മതമാറ്റം 

മതതീവ്രവാദവും മതമൌലികവാദവും മതമാത്സര്യവും വേരുറഞ്ഞ നമ്മുടെ സമൂഹത്തില്‍, തങ്ങളുടെ അനുയായികള്‍ മതം മാറുന്നതും മതം ഉപേക്ഷിക്കുന്നതും ഇന്ന് മതങ്ങളെ സംബന്ധിച്ച് അത്ര ശുഭകരമായ ഒരു പ്രവര്‍ത്തിയല്ല.എല്ലാ മതങ്ങളും ഇന്ന് മതമാറ്റത്തെ ഭയക്കുന്നു.തങ്ങളുടെ മതത്തിലേക്ക് എല്ലാവരെയും സ്വാഗതം ചെയ്യുകയും തിരിച്ചുള്ള കൊഴിഞ്ഞു പോക്കിനെ എന്ത് വില കൊടുത്തും എതിര്‍ക്കുക എന്നതുമാണ്‌ ഇന്ന് മതങ്ങള്‍ സ്വീകരിക്കുന്ന പൊതു നയം. ഇസ്ലാമിന്റെ വ്യാപനകാലത്ത് കേരളത്തിലെത്തിയ ഇസ്ലാമിക പ്രബോധകര്‍ക്ക്‌ എല്ലാ സൌകര്യങ്ങളും ഒരുക്കി സഹകരിച്ച ഹൈന്ദവ മതവും ആതുര ശുശ്രൂഷ സേവനതിലൂടെയും മറ്റു മിഷനറി പ്രവര്തനതിലൂടെയും ആളുകളെ ചാക്കിലാക്കിയിരുന്ന ക്രൈസ്തവ മതവും കൊഴിഞ്ഞു പോക്കിനെ ഭയക്കുന്നു.ആധുനിക മതമെന്ന് അവകാശപ്പെടുന്ന ഇസ്ലാമാണ് മതമാറ്റത്തില്‍ ഏറ്റവും കൂടുതാല്‍ അസ്വസ്ഥമാകുന്ന മറ്റൊരു മതം. മുര്‍ത്തതിനെ കൊല്ലുക എന്നതാണ് ഇസ്ലാമിക നയം. ഇങ്ങനെയൊക്കെ മതങ്ങള്‍ തങ്ങളുടെ അനുയായികളെ തടയണ കെട്ടി സംരക്ഷിക്കാന്‍ ശ്രമിക്കുമ്പോഴും ചിലര്‍ ഈ തടയണയും ചാടി കടന്നു അപ്പുറത്ത് എത്തുന്നു, ഇതാവട്ടെ ഇയാളെ സ്വീകരിക്കുന്ന മതം ആഘോഷമാക്കുകയും ചെയ്യുന്നു,വന്നവന്‍ മന്ദ ബുദ്ധിയാണെങ്കിലും പൊട്ടനാണെങ്കിലും ശരി ആഘോഷങ്ങള്‍ക്ക് മാറ്റ്കുറയില്ല..........നില്‍ക്കുന്ന തൊഴുത്തില്‍ നിന്നും മറ്റൊരു തൊഴുത്തിലേക്ക്‌ മാറുന്നതിനു തുല്യമാണ് മതമാറ്റം....