പ്രാര്‍ത്ഥന 

വിശ്വാസി പരക്കം പായുകയാണ്, ഒടുങ്ങാത്ത അസംതൃപ്തിയുടെ പരക്കംപാച്ചില്‍ , ദിവസവും അഞ്ചുനേരവും രണ്ടുനേരവും ദൈവത്തോട് നേരിട്ടും, അതിനു പുറമേ തങ്ങളുടെ പ്രാദേശിക ദൈവങ്ങളോടും ചാത്തന്മാരോടും, അതുപോലെ ഔലിയമാരുടെയും ,തങ്ങള്‍മാരുടെയും ഖബര്‍ഇടങ്ങളിലും എല്ലാം പ്രാര്തിച്ചും വഴിപാടു നേര്‍ന്നും ആത്മ സംതൃപ്തി നേടിയിരുന്ന വിശ്വാസി, ഇന്ന് പണം ചിലവഴിച്ചു ആരാധനക്കും പ്രാര്തനക്കുമായി ദൂരങ്ങള്‍ സഞ്ചരിക്കുന്നു. ശബരിമലയിലേക്ക്,പഴനിയിലേക്ക്,കാശിയിലേക്ക് ,അജ്മീരിലേക്ക്,ഏര്‍വാടിയിലേക്ക്, മക്കയിലേക്ക്, വേളംകണ്ണിയിലേക്ക് ,റോമിലേക്ക്, എന്നുവേണ്ട ഹിമാലയത്തിലേക്ക് വരെ വിശ്വാസി ദൈവത്തിനുള്ള തന്റെ അപേക്ഷയുമായി സഞ്ചരിക്കുന്നു. അവിടങ്ങളിലെല്ലാം നിന്നും,ഇരുന്നും കുനിഞ്ഞു നിന്നും മുട്ടുകുത്തി നിന്നും കിടന്നുരുണ്ടും ചാടിയും ഓടിയുമെല്ലാം തന്റെ ആഗ്രഹ സമര്‍പ്പണം നടത്തുന്നു .....!! സര്‍വചരാചരങ്ങളുടെയും സൃഷ്ട്ടാവായ സര്‍വവ്യാപിയായ, സര്‍വ ശക്തനായ ദൈവത്തോട് പ്രാര്‍ഥിക്കാനും ദൈവത്തെ ആരാധിച്ചു പ്രീതിപ്പെടുതാനുമായി ഇങ്ങനെ കിലോമീറ്റര് സഞ്ചരിച്ചു കഷ്ട്ടപെടുന്ന വിശ്വാസിയെ പേരിനെങ്കിലും ഏതെങ്കിലും ദൈവം ഇന്നേവരെ അനുഗ്രഹിച്ചിട്ടുണ്ടോ ......??