മതങ്ങളും മതങ്ങള്‍ അവതരിപ്പിക്കുന്ന ദൈവങ്ങളും ഒരു സാമുഹിക വിപത്താണെന്നു കണ്ടുകൊണ്ടാണ് നിരീശ്വരവാദികള്‍ മതങ്ങളെയും ദൈവങ്ങളെയും എതിര്‍ത്ത് പോരുന്നത്,എന്നാല്‍ പലപ്പോഴും ചില ദൈവങ്ങലോടെങ്കിലും നിരീശ്വരവാദികള്‍ ചില വിട്ടു വീഴ്ചകള്‍ ചെയ്യാറുണ്ട്,ഉദാഹരണത്തിന് അമ്മയാണ് ദൈവം,പ്രകൃതിയാണ് ദൈവം,സത്യമാണ് ദൈവം,സ്നേഹമാണ് ദൈവം തുടങ്ങിയ ദൈവങ്ങലെയൊന്നും നിരീശ്വരവാദികള്‍ ശക്തിയുക്തം എതിര്‍ക്കാറില്ല, എന്നാല്‍ മതവിശ്വാസികള്‍ ദൈവങ്ങളെ എതിര്‍ക്കുന്ന കാര്യത്തില്‍ പലപ്പോഴും നിരീശ്വര വാദികളെ കവച്ചു വെക്കുന്നു എന്നുള്ളതാണ് വാസ്തവം , ഹൈന്ദവരുടെ മുപ്പതു കോടി ഈശ്വരന്മാരെയും അവതാരങ്ങളെയും ക്രൈസ്തവരുടെ ത്രിത്വ സങ്കല്‍പ്പത്തെയും ദൈവത്തിന്റെ മകനായ യേശുവിനെയും മുസ്ലിങ്ങള്‍ അന്ഗീകരിക്കില്ല,മുസ്ലിങ്ങളെ സംബന്ധിച്ച് ഈ ഈശ്വരന്മാരെ അന്ഗീകരിക്കുന്നത് ഏറ്റവും വലിയ "ശിര്‍ക്കാണ്‌", ഈ ഈശ്വരന്മാരും അവരെ ആരാധിക്കുന്നവരും നരകത്തിലെ ഇന്ധനമാണ്, അത് കൊണ്ട് തന്നെ ഈ ഈശ്വരന്മാരുടെ കാര്യത്തില്‍ അവര്‍ അങ്ങേയറ്റം നിരീശ്വര വാദികളാണ്. ഹൈന്ദവരെ സംബന്ധിച്ച് ഒട്ടകബലിയില്‍,അല്ലങ്കില്‍ ആട് ബലിയില്‍ സംതൃപ്തനാകുന്ന പടിഞ്ഞാറ് വശത്തേക്ക് തിരിഞ്ഞു നിന്ന് അഞ്ചു നേരം നമസ്ക്കരിക്കേണ്ട മുസ്ലിങ്ങളുടെ അല്ലാഹുവും ക്രൈസ്തവ പിതാവും- പുത്രനും- പരിശുദ്ധാത്മാവും സ്വീകാര്യമല്ല, ഈ ഈശ്വരന്മാരുടെ കാര്യത്തില്‍ അവര്‍ തികഞ്ഞ നിരീശ്വരവാദികളാണ് , ക്രൈസ്തവരെ സംബന്ധിച്ചും ഇത് തന്നെയാണ് അവസ്ഥ, ഇസ്ലാമിന്റെ അല്ലാഹുവും പ്രവാചകനും ഹൈന്ദവരുടെ ദൈവങ്ങളും അവരെ സംബന്ധിച്ച് കപടമാണ്, ഈ ദൈവങ്ങളുടെ കാര്യത്തില്‍ അവരും അങ്ങേയറ്റം നിരീശ്വരവാദികലാണ്.ഇങ്ങനെ അന്യന്റെ ഈശ്വരന്മാരെ എതിര്‍ക്കുന്ന കാര്യത്തില്‍ എല്ലാ മതവിശ്വാസികളും നിരീശ്വരവാദികളെക്കാള്‍ വലിയ നിരീശ്വരവാദികളാണ് എന്നുള്ളതാണ് സത്യം ....!!!
No comments:
Post a Comment